【零失敗，超簡單❗ 】❤️自製情人節軟心朱古力 [2小時搞掂🕑]

  疫情越黎越嚴重，搞到周末都唔敢出街。 不如留係屋企整朱古力？

 

本文準備介紹嘅係生朱古力食譜，成品香滑順口非常好食，同前排大熱嘅日本品牌Royce'生朱古力味道同口感都非常之相似。不論係男送比女定女送比男，收到嘅都一定會好開心同覺受到滿滿嘅誠意❤️❤️

 

 

廢話唔多講，即刻入正題。全程多約２小時左右就搞掂！

我哋今次去到小編女朋友成日幫襯位於油麻地區嘅一間烘焙ＤＩＹ專門店買材料，因為唔打算整太多，所以買左呢個情人節軟心朱古力套裝。有齊整30粒朱古力嘅材料再包一個質素唔錯嘅禮盒，唔平唔貴但勝在夠方便！

臨近節日，相信全港大小烘焙店都會有類似嘅懶人包出售，但如果搵唔到差唔多嘅款式，亦可以跟下面列表買材料👇。

 

需要材料：　　

  • 黑朱古力片   200克
  • 無糖可可粉   1包
  • 淡忌廉           90毫升
  • 無鹽牛油       20克

 

需要工具：

  • 1大及1細金屬盆
  • 小量杯
  • 沾可可粉用小容器
  • 膠唧袋 1個 (如無，可用保鮮袋代替)
  • 造型用小鋁杯 約30個
  • 朱古力禮盒及紙杯 (非必須) 

 

準備1大及1小金屬盆（圖1及2），加入朱古力片（圖3）＊沒有蒸架亦一樣可以。

 

加入牛油片及淡忌廉（圖4及5），倒入熱水到下層大金屬盆（圖6）

 

將所有材料攪拌至完全融化及混合（圖7至9）

 

將朱古力溶液倒入唧袋內並剪去袋口約5mm部份（圖10），將溶液注滿小鋁杯（圖11），放入雪櫃約１小時（圖12）

 

1小時後取共並小心地脫模（圖13），將朱古力均勻沾滿可可粉（圖14及15）

 

小心地將朱古力成品放上小紙杯上並放入禮盒，即完成。

 

製成品連盒放在雪櫃可保存約10天，食用前可整盒不開蓋放在室溫地方15分鐘口感佳。